Молитва святой мученице Фотинии Самарянке

Тропарь, глас 4

Агница Твоя, Иисусе, Фотиние зовет велиим гласом: Тебе, Женише мой, люблю, и, Тебе ищущи, страдальчествую, и сраспинаюся и спогребляюся Крещению Твоему, и стражду Тебе ради, яко да царствую в Тебе, и умираю за Тя, да и живу с Тобою: но, яко жертву непорочную приими мя, с любовию пожершуюся Тебе. Тоя молитвами, яко Милостив, спаси души наша.

Кондак, глас 2

Храм твой всечестный яко цельбу душевную обретше, вси вернии велегласно вопием ти: дево мученице Фотиние, великоименитая, Христа Бога моли непрестанно о всех нас.

Молитва

О, святая мученица Фотиния! Безмерно любовию ко Христу окрыляема, мужество, терпение и силу велию с находящимися с тобою сестрами, сыновьями и просвещенными тобою явила еси. Евангелие Христово с дерзновением проповедала, и явися тебе и всем, с тобою бывшим, Христос, и всех на предстоящия муки укрепил и утешил. В Рим пришедши и безбоязненно Христа исповедавши, в темницу заключена быша, и многия муки претерпеша, в колодезь брошена, душу свою Господу предала еси. Услыши нас, святая Фотиния, духовною красотою воссиявшая и людей непрестанно и неумолкаемо, в темнице и в городах, вере во Христа поучавшая. Внемли нам, взирая на нас грешных, и благодатию Христовою исцели болящих лихорадкою, да не окропит их дождь греховный, но в здравии душевном и телесном жизнь свою неослабно в добрых делах проведут и прославят Владыку всех, Отца щедрот, Бога Милостиваго, во все века. Аминь.

Величание

Величаем тя, страстотерпице Христова Фотиние, и чтим честное страдание твое, еже за Христа претерпела еси.