Молитва святому мученику Леониду и мученицам Хариессе, Нике, Галине, Калисе, Нунехии, Василиссе, Феодоре, Ирине и иже с ними пострадавшим
Тропарь мученикам, глас 4
Мученицы Твои́, Го́споди,/ во страда́ниих свои́х венцы́ прия́ша нетле́нныя от Тебе́, Бо́га на́шего,/ иму́ще бо кре́пость Твою́,/ мучи́телей низложи́ша,/ сокруши́ша и де́монов немощны́я де́рзости./ Тех моли́твами// спаси́ ду́ши на́ша.
Кондак мученикам, глас 2
Свети́льницы све́тлии я́вльшеся, боже́ственнии му́ченицы,/ тварь всю све́тлостию чуде́с озаря́ете,/ неду́ги разреша́юще и глубо́кую тьму всегда́ отгоня́юще,// Христу́ Бо́гу моля́щеся непреста́нно о всех нас.
Величание
Велича́ем вас,/ страстоте́рпцы святи́и,/ и чтим честна́я страда́ния ва́ша,/ я́же за Христа́// претерпе́ли есте́.
Молитва
О святии мученицы! Прострите благоприятныя молитвы ваша ко Господу и Создателю нашему и умолите Его благость даровати нам (имена)вся к вечному спасению потребная, таже и к житию сему временному нужная: веруем бо несомненно, яко вся возможна вам, яко истинным Его угодником. Ей, чудотворцы святии! Не посрамите упования нашего, но молитвами вашими сотворите нас наследники быти Царствия Христова, да прославляем человеколюбие в Троице славимаго и покланяемаго Бога, Отца и Сына и Святаго Духа, и ваше святое заступление, во веки веков.