Молитва благодарственная ко Господу
Господи Иисусе Христе Боже наш, Боже всякаго милосердия и щедрот, Егоже милость безмерна и человеколюбия неизследимая пучина! Ко Твоему величеству припадающе со страхом и трепетом, яко раби недостойнии, благодарение Твоему благоутробию о Твоих благодеяниих, на рабех Твоих (имена)бывших, ныне смиренно приносяще, яко Господа, Владыку и Благодателя славим, хвалим, поем и величаем, и припадающе паки благодарим, Твое безмерное и неизреченное милосердие смиренно моляще, да якоже ныне моления рабов Твоих прияти и милостивно исполнити сподобил еси и во предняя в Твоей и искрянняго любви и во всех добродетелях преспевающих, Твоя благодеяния всех верных Твоих получити, Церковь Твою Святую, и град сей от всякого злаго обстояния избавляя и мир и безмятежие тем даруя, Тебе со Безначальным Твоим Отцем и Пресвятым и Благим и Единосущным Твоим Духом, во Едином Существе славимому Богу, всегда благодарение приносити и преблагая глаголати и воспети, сподобиши. Слава Тебе Богу, Благодателю нашему, во веки веков, Аминь.
